މުޅި މާލެއާއި ހުޅުމާލެއިން މިއަދު ހެނދުނު ކަރަންޓު ކެނޑުމަށްފަހު، މުޅި ހުޅުމާލެއަށް ދެ ގަޑިއިރުތެރޭ ކަރަންޓު ދީފައިވާއިރު، މުޅި މާލެއަށް ކަރަންޓު ދޭން އިތުރު 40 މިނެޓު ނަގާން ކަމަށް ސްޓެލްކޯއިން ބުނެފިއެވެ.

މާލެއާއި ހުޅުމާލެއިން އެއްކޮށް ކަރަންޓު ކެނޑުނީ މިއަދު 9:30ހާއިރެވެ. އެއީ ޓެކްނިކަލް މައްސަލައެއްގެ ސަބަބުން ކަމަށް ސްޓެލްކޯއިން ބުނި ނަމަވެސް އިތުރު ތަފުސީލެއް މިހާތަނަށް ދީފައިނުވެއެވެ.

ސްޓެލްކޯއިން 10:17ހާއިރު ވަނީ ކަރަންޓު ބައެއް ސަރަހައްދުތަކަށް ދޭން ފަށައި، މާލޭގެ ބައެއް ހިސާބުތަކަށް ދީފައިވާ ކަމަށް ބުނެފައެވެ. އަދި 11:30ހާއިރު އެ ކުންފުނިން ވަނީ މުޅި ހުޅުމާލެއަށް ކަރަންޓު ދީފައިވާ ކަމަށް ބުނެފައެވެ.

މައުޟޫޢުތަށް