ވައިބާ ވެރިފިކޭޝަން ކޯޑު ހޯދައި، އެކައުންޓަށް ވެރިވެގެން ސްކޭމް ކުރުން އިތުރުވަނީ
ސަން
9 އޯގަސްޓު 2025 | ހޮނިހިރު | 5:25
ވައިބާ އެކައުންޓުތަކުގެ ވެރިފިކޭޝަން ކޯޑު ހޯދައި، އެކައުންޓަށް ވެރިވެގެން ސްކޭމް ކުރުމުގެ މައްސަލަތައް އިތުރުވާތީ ސަމާލުވުމަށް ފުލުހުންގެ އެންޓި ސްކޭމް ސެންޓަރުން މިއަދު އިލްތިމާސްކޮށްފިއެވެ.
ޒަމާނަށް އައި ބަދަލާ އެއްކޮށް، އެކި އުކުޅުތައް ބޭނުންކޮށްގެން މަކަރާއި ހީލަތުން ފައިސާ ހޯދައެވެ. އެފަދަ މައްސަލަތައް މި ދުވަސްވަރު ވަނީ އާންމުވެފައެވެ.
މިއަދު ފުލުހުންގެ އެންޓި ސްކޭމް ސެންޓަރުން ބުނީ، ވައިބާ އެކައުންޓުތައް ވެރިފިކޭޝަން ކޯޑު ހޯދައި، އެކައުންޓަށް ވެރިވެގެން އެ މީހެއްގެ އާއިލާއާއި އެކުވެރިން ސްކޭމް ކުރުމުގެ މައްސަލަތައް އިތުރުވެފައިވާ ކަމަށެވެ.