އެމްއޭސީއެލްގައި އަވަސް ފަރުވާ ނުވަތަ ފަސްޓް އެއިޑް ދިނުމުގެ ގާބިލުކަން އިތުރުކުރުމަށް ޓަކައި އިނގިރޭސިވިލާތުން އަވަސް ފަރުވާގެ ތަމްރީނު ދޭނެ ސާމާނު ހަދިޔާކޮށްފިއެވެ.

މިއަދު އެމްއޭސީއެލްގައި ބޭއްވި ރަސްމިއްޔާތެއްގައި އިނގިރޭސިވިލާތުގެ ސަރުކާރުގެ ފަރާތުން އެ ތަކެތި ހަދިޔާކުރި ކަމުގެ ރަމްޒީ ފިލާ ހަވާލުކޮށްދެއްވީ އެކްޓިން ހައިކޮމިޝަނަރު މުހައްމަދު ތައުފީޤް ވައްހާބެވެ. އެމްއޭސީއެލްގެ ފަރާތުން އެ ފިލަޔާ ހަވާލުވެވަޑައިގަތީ ކުންފުނީގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފު މުޙައްމަދެވެ.

އިނގިރޭސިވިލާތުގެ އެކްޓިން ހައިކޮމިޝަނަރު ވިދާޅުވީ، ބޭރު ގައުމުތަކުގައި ދިރިއުޅޭ އިނގިރޭސިވިލާތުގެ ރައްޔިތުންގެ ސަލާމަތާއި ރައްކާތެރިކަން ކަށަވަރުކުރުމަށް އެ ގައުމުން އަބަދުވެސް އިސްކަންދޭ ކަމަށާއި، އެމްއޭސީއެލަށް މިއަދު ހަދިޔާކުރި ތަކެތީގެ ސަބަބުން ކޮންމެ އަހަރަކު ރާއްޖެ އަންނަ އެތައް އިނގިރޭސި ފަތުރުވެރިންގެ ރައްކާތެރިކަން ކަށަވަރުކުރެވިގެން ދާނެ ކަމަށެވެ.

މައުޟޫޢުތަށް