ރަށްރަށު މަގުހަދަން ތާރު އަޅައި ގާ އެތުރުން ކޮންމެހެން މުހިންމެއް ނޫން: ރައީސް
ސަން
11 އޯގަސްޓު 2025 | ހޯމަ | 11:53
ރަށްރަށުގެ މަގު ހަދާއިރު، ތާރު އެޅުން ނުވަތަ ގާ އެތުރުމަކީ ކޮންމެހެން ކުރުން މުހިންމު ކަމެއްކަމަށް ގަބޫލުފުޅުނުކުރައްވާ ކަމަށާއި، ގަބޫލުފުޅުކުރައްވަނީ އެ ކަން ކުރަންވާނީ ގުދުރަތީ ގޮތް ނުގެއްލޭ ގޮތަށް ކަމަށް ރައީސް ޑރ. މުޙައްމަދު މުއިއްޒު މިއަދު ވިދާޅުވެއްޖެއެވެ.
ރައީސް މިފަދައިން ވިދާޅުވީ ބ. އަތޮޅަށް މިހާރު ކުރައްވާ ދަތުރުފުޅުގައި ކަމަދޫއަށް ވަޑައިގެން ވާހަކަފުޅުދައްކަވަމުންނެވެ.
އެ ރަށުގެ މަގުތައް ހެދުމުގެ ވާހަކައަށް އިޝާރާތްކުރައްވަމުން ރައީސް ވިދާޅުވީ ރަށްރަށުގެ މަގުތައް ހަދާއިރު ގުދުރަތީ އަސްލު ސިފަ ގެއްލޭ ގޮތަށް ގާ އެތުރުން ނުވަތަ ތާރު އެޅުމަކީ އެ މަނިކުފާނު ތާއީދުކުރައްވާ ކަމެއް ނޫން ކަމަށެވެ.