މަތީ ތަޢުލީމު ހާސިލުކުރުމުގެ ހުވަފެން ދެކޭ ދަރިވަރުންނަށް ޚާއްސަ ފުރުސަތެއް ފަހިކޮށްދިނުމުގެ ގޮތުން، ދިވެހިރާއްޖޭގެ ޤައުމީ ޔުނިވާސިޓީ (އެމްއެންޔޫ)އިން އޮގަސްޓް އިންޓޭކާ ގުޅިގެން "ވަން ސްޓޮޕް އެޑްމިޝަން" އިވެންޓެއް ބާއްވަން ނިންމައިފިއެވެ.

މި އިވެންޓު ކުރިއަށްދާނީ މި މަހުގެ 21 ވަނަ ބުރާސްފަތި ދުވަހު، ޔުނިވާސިޓީގެ މައިމަރުކަޒުގައި، މެންދުރުފަހު 16:00 އިން 18:00 އަށް، އަދި ރޭގަނޑު 20:00 ން 22:00 އަށެވެ.

މި ހަރަކާތުގެ އެންމެ ބޮޑު މަގުސަދަކީ، ތައުލީމީ ހުވަފެން ހަގީގަތަކަށް ހަދަން ބޭނުންވާ ދަރިވަރުންނަށް އެއް ތަނަކުން އެއް ފަހަރާ ޔުނިވާސިޓީއަށް ވަނުމުގެ ޚާއްސަ ފުރުސަތެއް ފަހިކޮށްދިނުން ކަމަށް އެމްއެންޔޫއިން ބުންޏެވެ. މި އިވެންޓުގެ ތެރެއިން ޔުނިވާސިޓީގެ ކޯސްތަކަށް ކުރިމަތިލުމަށް ފޯމު ބަލައިގަތުމުގެ އިތުރުން، އޯލެވެލް އަދި އެހެނިހެން ނަތީޖާތަކަށް ބެލުމަށް ފަހު، ޝަރުތު ހަމަވާ ދަރިވަރުން ކޯހަށް ހޮވުނުކަމުގެ ލިޔުން ވަގުތުން ދިނުމަށް ވަނީ ހަމަޖެހިފައެވެ.

މައުޟޫޢުތަށް