ހިއްކުމަށްފަހު ބޭނުންނުކުރެވި ހުރި ބިންތަކުގައި ޔުޓިލިޓީ ނުވަތަ ފެނާއި ނަރުދަމާގެ ޚިދުމަތް ގާއިމުކުރުމުގެ ބިޔަ މަޝްރޫއެއް އަންނަ އަހަރުގެ ބަޖެޓުގައި ހިމަނުއްވާނޭ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

ރައީސް މިވަގުތު ބ. އަތޮޅަށް ކުރައްވަމުން ގެންދަވާ ދަތުރުފުޅުގައި އެ އަތޮޅު އޭދަފުށީ ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައި ވިދާޅުވީ، އޭދަފުށީގެ ހިއްކި ސަރަހައްދަށް ބޭނުންވާ ފެނާއި ނަރުދަމާ އަދި ކަރަންޓުގެ ޚިދުމަތް ގާއިމުނުކުރެވި ވާފަދައިން އެއީ ރާއްޖޭގެ އެކި ކަންކޮޅުތަކަށް ކުރިމަތިވެފައިވާ، ދުވަސްވީ މައްސަލައެއް ކަމަށެވެ.

އެހެންކަމުން ރާއްޖޭގެ އެކި ކަންކޮޅުތަކުގައި ބޭނުންނުކުރެވި ހުރި ހިއްކި ބިންބިމުގައި ޔުޓިލިޓީ ޚިދުމަތް ގާއިމުކުރުމުގެ ބިޔަ މަޝްރޫއެއް އަންނަ އަހަރުގެ ބަޖެޓުގައި ހިމަނައިގެން ހިންގަވާނެކަން އެމަނިކުފާނު އިއުލާނުކުރެއްވިއެވެ.

މައުޟޫޢުތަށް