ސަރުކާރަށް ނަގާ ހައްޖު ޖާގަ މަދުކުރަން އިރުޝާދު ދެއްވާފައިވޭ: ޝަހީމް
ސަން
12 އޯގަސްޓު 2025 | އަންގާރަ | 2:51
ސައޫދީ ސަރުކާރުން ރާއްޖެއަށް ދޫކުރާ 1،000 މީހުންގެ ހައްޖު ކޯޓާގެ ތެރެއިން ސަރުކާރުން ރިޒާވްކުރާ ކޯޓާގެ އަދަދު ދަށްކުރުމަށް ރައީސް ޑރ. މުހައްމަދު މުއިއްޒު އިރުޝާދު ދެއްވާފައިވާ ކަމަށް، އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެއެވެ.
ހައްޖުގެ ފުރުސަތު ދިނުމުގައި ސަރުކާރުން ނުފޫޒު ފޯރުވާ ކަމަށް ތުހުމަތުކޮށް އެމްޑީޕީގެ މަޖިލިސް މެންބަރުން މިއަދުގެ މަޖިލީހުގެ ޖަލްސާގައި ވަނީ މިނިސްޓަރު ޝަހީމާ ސުވާލުތައް ކުރިމަތި ކުރުވައިފައެވެ. އެގޮތުން ހައްޖު ކޯޓާގެ ތެެރެއިން ސަރުކާރަށް ގިނަ އަދަދަކަށް ޖާގަ ނަގާތީ ހައްޖަށް ދިއުމަށް ފައިސާ ދައްކާފައި ތިބޭ އާއްމުންނަށް އެ ފުރުސަތު ލިބޭލެއް ލަސްވާ ކަމަށް ބައެއް މެންބަރުން ވިދާޅުވިއެވެ.
މެންބަރުންގެ ސުވާލުތަކަށް ޖަވާބުދެއްވަމުން ޝަހީމް ވިދާޅުވީ، ހައްޖު ކޯޕަރޭޝަނުން އަބަދު ވެސް ކޯޓާއިން ޖާގަ ދެނީ ކިޔޫ ތަރުތީބަށް އިސްކަންދީގެން ކަމަށާއި، އެހެންވީމާ އެ އަހަރަށް ކަނޑައެޅިފައިވާ އަދަދަށް ހައްޖާޖީންނަށް އެއްވެސް މީހަކު އުނިނުކޮށް ފުރުސަތު ދޭނެ ކަމަށެވެ.