އީޕީއޭ ޓޫރިޒަމް މިނިސްޓްރީގެ ދަށަށް ގެންދިޔުން ގޯސް، މިނިވަންވާންޖެހޭނެ: ނަޝީދު
ސަން
12 އޯގަސްޓު 2025 | އަންގާރަ | 3:48
ސަރުކާރުގެ ތިމާވެށީގެ ސިޔާސަތުތަކަށް އިތުބާރު ބޭނުންވާނަމަ، އެނަވަޔަރަމަންޓް ޕްރޮޓެކްޝަން އެޖެންސީ (އީޕީއޭ) މިނިވަންކަމާއެކު ދެމި އޮންނަންޖެހޭނެ ކަމަށާއި، ފަތުރުވެރިކަމާއި ތިމާވެށީގެ ދާއިރާ އެއްކޮށްގެން ހިންގާ މިނިސްޓްރީގެ ދަށަށް އެ އިދާރާ ބަދަލުކުރުމަކީ ގޯހެއް ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެއެވެ.
ތިމާވެށީގެ ކަންކަން ބެލެހެއްޓުމަށް އީޕީއޭ އުފެއްދީ 2008 ވަނަ އަހަރު ނަޝީދުގެ ސަރުކާރުގައެވެ.
މިއަދު ރައީސް ޑރ. މުހައްމަދު މުއިއްޒު ވަނީ، މީގެ ކުރިން ގަވަނިން ބޯޑެއްގެ ލަފާގެ ދަށުން ހިންގި އެ އިދާރާ، ސީދާ މިނިސްޓްރީގެ ދަށުން ހިނގަމުންދާ އިދާރާއެއްގެ ގޮތުގައި ހަމަޖައްސަވާފައެވެ.