ޕައިލެޓުކަން ކިޔަވާ 127 ދަރިވަރުންގެ ތެރެއިން، ލޯން އިތުރުކޮށްދެނީ 52 ދަރިވަރަކަށް
ސަން
12 އޯގަސްޓު 2025 | އަންގާރަ | 6:19
ސްޕެއިންގައި ޕައިލެޓުކަން ކިޔަވަމުން އަންނަ 127 ދަރިވަރުންގެ ތެރެއިން 52 ދަރިވަރަކަށް ލޯނު އިތުރުކޮށްދީފައިވާ ކަމަށް، ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހްމަދު މިއަދު ވިދާޅުވެއްޖެއެވެ.
ދިވެހި ސަރުކާރުގެ ލޯނުގެ ދަށުން ސްޕެއިންގެ ބާސެލޯނާގައި ޕައިލެޓުކަން ކިޔަވަމުން އަންނަ ދަރިވަރުންނަށް ދިމާވާ ދަތިތައް ހައްލުކޮށްދިނުމަށް އެދި ދަރިވަރުންގެ ފަރާތުން ރައްޔިތުންގެ މަޖިލީހުގެ ޕެޓިޝަން ކޮމިޓީއަށްވަނީ މިދިޔަ އޭޕްރިލް މަހުގެ 15 ވަނަ ދުވަހު ޕެޓިޝަނެއް ހުށަހަޅައިފައެވެ.
މިދިޔަ ފެބްރުއަރީ މަހު، ބާސެލޯނާގައި ޕައިލެޓުކަން ކިޔަވާ ދަރިވަރުން ވަނީ އެ މީހުންނަށް ވިސާ ހޯދުމުގައި ދިމާވާ ދަތިތަކާއި އެކަމަށް ދާ ޚަރަދާއި، ދަރިވަރުންނަށް އެކަށީގެންވާ އަދަދެއްގެ ސްޓައިޕެންޑެއް ނުލިބި އަމިއްލައަށް ޚަރަދުކުރަން ޖެހުމާއި، ކޯހުގައި ހޭދަވާ މުއްދަތު، ލޯނު ދޭ މުއްދަތަށް ވުރެ އިތުރުވާ މައްސަލަ ފާހަގަކޮށް މިނިސްޓަރަށް ސިޓީއެއް ވެސް ފޮނުވައިފައެވެ.