ޒަކާތު ގާނޫނު ތަންފީޒުކުރުމުން ރާއްޖެއިން ފަޤީރުކަން ނައްތާލެވޭނެ: ޝަހީމް
ސަން
13 އޯގަސްޓު 2025 | ބުދަ | 1:41
ޒަކާތުގެ ޤާނޫނު ތަންފީޒުކުރުމުން ރާއްޖެއިން ފަޤީރުކަން ނައްތާލެވި، އިޖުތިމާއީ ތަނަވަސްކަން ގެނެސްދެވޭނެ ބޮޑު ބަދަލެއް އަންނާނެ ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު މިއަދު ވިދާޅުވެއްޖެއެވެ.
ޝަހީމް މިފަދައިން ވިދާޅުވީ ޒަކާތު ބިލު، ރައްޔިތުންގެ މަޖިލީހުން މިއަދު ބަލައިގަތުމާއެކުގައެވެ.
އެގޮތުން ޝަހީމް ވިދާޅުވީ، މި ބިލުގެ މައިގަނޑު މަޤްޞަދަކީ ޒަކާތު ފަންޑު ހެޔޮގޮތުގައި ހޭދަކޮށް އަމާނާތްތެރިކަމާއެކު ބެލެހެއްޓުން ކަމަށެެވެ. އަދި ޒަކާތާ ގުޅޭ ހަރުދަނާ، ޒަމާނީ ނިޒާމެއް ޤާނޫނީ ތަރަހައިގެ ތެރެއިން ރާއްޖޭގައި ޤާއިމުކުރުން ކަމަށެވެ.