މިނިވަން މުއައްސަސާތައް މިނިވަންކަމާ އެކު ނުހިނގަނީ އެ ތަންތަން ޖަވާބުދާރީކުރަން ރައްޔިތުންގެ މަޖިލީހާ މަތިކޮށްފައި އޮންނާތީ ކަމަށް ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.

މުއައްސަސާތައް ނުހިނގާތީ އެ މަނިކުފާނު ގެންދަވަނީ ތަކުރާރުކޮށް ފާޑުވިދާޅުވަމުންނެވެ.

'އަދަދު' ނޫހުގެ ޕްރޮގްރާމެއްގައި ވާހަކަދައްކަވަމުން ޔާމީން ވިދާޅުވީ، އެ މަނިކުފާނުގެ ސަރުކާރުގައި ހެދުނު އެންމެ ބޮޑު ގޯހެއް ކަމަށް ގަބޫލުކުރައްވަނީ މިނިވަން މުއައްސަސާތައް މިނިވަންކަމާ އެކު ހިނގަން ދޫކޮށްލެއްވުން ކަމަށެވެ. އޭރު ހިނގި އެމްއެމްޕީއާރްސީގެ ޚިޔާނާތް ވެސް ހިނގީ މުއައްސަސާތަކުން އަދާކުރަންޖެހޭ ޒިންމާ އަދާނުކުރުމުގެ ސަބަބުން ކަމަށާއި އެއީ ހެދުނު ގޯހެއް ކަމަށް އެ މަނިކުފާނު ގަބޫލުކުރައްވައެވެ.

މައުޟޫޢުތަށް