އަސްކޮއި ގްރޫޕުން 'ލަނޑު' ދިން މީހުން، ފައިސާ ނުލިބިގެން ކޯޓަށް
ސަން
14 އޯގަސްޓު 2025 | ބުރާސްފަތި | 1:17
އަސްކޮއި ހައްޖު އެންޑް އުމްރާ ޓުއާސްއިން އުމްރާއަށް ގެންދާނެ ކަމަށް ބުނެ އޮޅުވާލައިގެން ލަނޑު ދިން މައްސަލައިގައި ގެއްލުން ލިބުނު މީހުން، އެމީހުން އުމްރާއަށް ދާން ދެއްކި ފައިސާ ހޯދުމަށް ސިވިލް ކޯޓަށް މައްސަލަ ހުށަހަޅަން ނިންމައިފިއެވެ.
އަސްކޮއި ގްރޫޕްގެ ހަވާލުގައި އުމްރާއަށް ދާން ފައިސާ ދެއްކި ބަޔަކު އެ ގްރޫޕުން އުމްރާއަށް ނުގެންދިޔަކަމަށް ބުނާ މައްސަލައެއް ފެންމަތިވީ މިދިޔަ މަހުގެ 17 ވަނަ ދުވަހުއެވެ.
ތުހުމަތު ކުރެވޭ ގޮތުގައި މިއީ އެ ޖަމާއަތުން ބަޔަކަށް މި ގޮތަށް ލަނޑުދިން ތިންވަނަ ފަހަރެވެ. އަސްކޮއި ގްރޫޕުގެ ހަމަ މިފަދަ މައްސަލައެއް މިއަހަރުގެ މެއި މަހު ވެސް ފެންމަތިވިއެވެ. އެފަހަރު މައްސަލަ ބެލުމަށް ފަހު, އަސްކޮއި ޓްރެވަލް ސާވިސް ޕްރައިވެޓް ލިމިޓެޑް, 130،000 ރުފިޔާއިން ޖޫރިމަނާ ވެސް ކުރިއެވެ.