ގާސިމާއި ސިޔާދަށް ޔާމީން ކުރެއްވި ތުހުމަތުތަކާ ގުޅިގެން ވެސް، ގާނޫނީ ފިޔަވަޅު އަޅަނީ
ސަން
16 އޯގަސްޓު 2025 | ހޮނިހިރު | 4:04
ކުރީގެ ރައީސް އަބްދުﷲ ޔާމީން އަބްދުލްގައްޔޫމް، ޖުމްހޫރީ ޕާޓީ (ޖޭޕީ)ގެ ލީޑަރު ގާސީމް އިބްރާހީމާއި ދަރިކަލުން ސިޔާދު ގާސިމް ރިޝްވަތު ދެއްވި ކަމަށް ވިދާޅުވެ ކުރެއްވި ތުހުމަތުތަކާ ގުޅިގެން، އެ މަނިކުފާނާ ދެކޮޅަށް ގާނޫނީ ފިޔަވަޅު އަޅަން ވިސްނަމުންދާ ކަމަށް ޖޭޕީން މިއަދު ބުނެފިއެވެ.
ޔާމީންގެ ވެރިކަމުގެ ފަހު އަހަރު ކަމަށްވާ 2018 ވަނަ އަހަރުގެ ފެބްރުއަރީ މަހުގެ އެއް ވަނަ ދުވަހު، ޖަލަށްލާފައިވާ ސިޔާސީ ލީޑަރުންތައް އެއް ފަހަރާ ދޫކޮށްލަން ސުޕްރީމް ކޯޓުން އަމުރެއް ނެރުނެވެ. އެގޮތުން މިނިވަން ކުރަން އަމުރުކުރީ ގާސިމްގެ އިތުރުން ކުރީގެ ރައީސް މުހައްމަދު ނަޝީދާއި ކުރީގެ ހޯމް މިނިސްޓަރު އިމްރާން އަބްދުﷲ އާއި ކުރީގެ ނައިބު ރައީސް އަހްމަދު އަދީބާއި އޭރުގެ މަޖިލިސް މެމްބަރު ފާރިސް މައުމޫނާއި ކުރީގެ ޑިފެންސް މިނިސްޓަރު ކާނަލް (ރޓޑ) މުހައްމަދު ނާޒިމެވެ.
އެ އަމުރު ތަންފީޒު ނުކޮށް، ޔާމީން ކުއްލި ހާލަތު އިއުލާންކުރެއްވިއެވެ. އެއަށްފަހު ހިންގި ތަހުގީގު ތެރެއިން، ވިލާ ޝިޕިންގެ މެނޭޖިން ޑިރެކްޓަރުގެ ގޮތުގައި ހުންނެވި ސިޔާދު ފެބްރުއަރީ މަހުގެ ހަ ވަނަ ދުވަހު ހައްޔަރުކުރިއެވެ.