ގައުމީ ވާހަކަދެއްކުމުގެ މުބާރާތަށް ތައްޔާރުވުމުގެ މަޢުލޫމާތު ދަންފަޅިތައް ބާއްވައިފި
ސަން
17 އޯގަސްޓު 2025 | އާދިއްތަ | 11:10
އަލްއުސްތާޛު އިބްރާހީމް ޝިހާބުގެ ހަނދާނީ ވާދައިގެ ތައްޓަށް ބާއްވާ ވާހަކަދެއްކުމުގެ 38ވަނަ ޤައުމީ މުބާރާތަށް، ކުރިއަށްގެންދިޔަ މަޢުލޫމާތު ދިނުމުގެ ދަންފަޅިތައް ނިންމައިލައިފިއެވެ.
ދިވެހިބަހުގެ އެކެޑަމީން ބުނީ މި ދަންފަޅިތައް ކުރިއަށް ގެންދިޔައީ އިއްޔެ ތިން ދަންފަޅިއަކަށް ބަހައިލައިގެން ކަމަށެވެ.
އަދި މައުލޫމާތު ދިނުމުގެ ދަންފަޅިތަކަކީ ވާހަކަދެއްކުމުގެ ޤައުމީ މުބާރާތުގައި ބައިވެރިވުމަށް ޝައުގުވެރިކަން ހުރި ސްކޫލުތަކާއި ދަރިވަރުންނަށް އަމާޒުކޮށް، ވާހަކަދެއްކުންތެރިކަމަށް ދަރިވަރުން ތަމްރީންކުރުމަށް ބޭނުންވާ މަޢުލޫމާތު ދިނުމަށް ޓަކައި ކުރިއަށްގެންދިޔަ ދަންފަޅިތަކެއް ކަމަށް ވެސް އެކެޑަމީން ބުންޏެވެ.