ޖަލުތެރޭގެ މަރުތަކާއި މަސްތުވާތަކެތީގެ ފަރުވާއާ ގުޅުވައި ކަންބޮޑުވުން!
ސަން
18 އޯގަސްޓު 2025 | ހޯމަ | 1:57
މަސްތުވާތަކެތި ބޭނުންކުރި ކަމުގެ ތުހުމަތުގައި ހައްޔަރުކޮށް, ފުލުހުންގެ ބަންދުގައި ހުއްޓާ ޖަލުގައި އިއްޔެ މީހަކު މަރުވިއިރު، ޖަލުގައި ގައިދީންނަށް ބޭނުންވާ އެކަށީގެންވާ ފަރުވާ ނުދެވޭ ކަމުގެ ކަންބޮޑުވުން އިތުރުވެއްޖެއެވެ.
އެކި މައްސަލަތަކުގައި ޖަލުގައި ބަންދުގައި ކޮށްފައިތިބޭ މީހުން މަރުވާ މައްސަލަތައް ފެންމަތިވާ މިންވަރު ވަނީ ގިނަވާން ފަށާފައެވެ. އެގޮތުން، އިއްޔެ ވެސް ވަނީ ފުލުހުންގެ ބެލުމުގެ ދަށަށް ގެންދިޔަތާ ދެ ދުވަހެއްގެ ތެރޭގައި ޖަލުގައި 48 އަހަރުގެ ދިވެއްސަކު މަރުވެފައެވެ.
އޭނާ ހައްޔަރުކޮށް، ބަންދަށް ޖެހި އަމުރުން އެނގޭ ގޮތުގައި، އޭނާ ހައްޔަރުކޮށް ފައިވަނީ މަސްތުގެ ހާލަތުގައި ހުއްޓައެވެ. އަދި، އޭނާއަކީ ވަގުތުން ފަރުވާ ބޭނުންވާ މީހެއް ކަމަށް އަމުރުން އެނގޭއިރު، އޭނާ މަރުވީ ޖަލުގައި ހުއްޓާ އުނދަގޫތަކެއްވެ ކުއްލި ގޮތަކަށެވެ. މަރުގެ ސަބަބު ހޯދަން އޭނާގެ ޕޯސްޓްމޯޓަމް ހަދަން ފުލުހުން ވަނީ ނިންމާފައެވެ.