ދީނާ ބީރައްޓެހި ސަގާފަތްތަކުން ދުރުވެ، އިސްލާމީ ސަގާފަތް ދިރުވަންޖެހޭ: ޚުތުބާ
ސަން
22 އޯގަސްޓު 2025 | ހުކުރު | 1:41
ދީނާ ބީރައްޓެހި ސަގާފަތްތަކާ ދުރުހެލިވެ، އިސްލާމީ ޝިއާރުތަކާއި ސަގާފަތްތައް ދިރުވަން އާލާކުރުމަށް މިއަދުގެ ހުކުރު ޚުތުބާގައި ޚުތުބާގައި ގޮވާލައިފިއެވެ.
މިއަދުގެ ހުކުރު ޚުތުބާގައި އަލިއަޅުވާލީ، ރަނގަޅު މުޖުތަމައެއް ބިނާކުރުމުގެ މައްޗަށެވެ.
ޚުތުބާގައި ބުނީ، އިންސާނާ ދުނިޔޭގައި ލެއްވީ އެއްވެސް މަގުސަދެއް ނެތި، ބޭކަރު ގޮތެއްގައެއް ނޫން ކަމަށާއި ކޮންމެ ހާލަތެއްގައި ވެސް އިންސާނާއަށް އެންމެ މަސްލަހަތު ހުރި ގޮތް ދެނެވޮޑިގެންވަނީ މާތްﷲ ކަމަށެވެ. އެގޮތުން، އިންސާނާގެ ހަޔާތް ބައްޓަންކުރަނީ ހެޔޮ މަގު ދެއްކެވުމަށް ނަބީބޭކަލުން ފޮނުއްވި ކަމަށާއި މި އުންމަތުގެ ނަބިއްޔާ ފޮނުއްވީ ޤިޔާމަތަށް ދާންދެން އޮންނަ ފުރިހަމަ ޝަރީއަތަކާ އެކީގައިކަން ޚުތުބާގައި ފާހަގަކުރިއެވެ.