މުޅި ޣައްޒާގެ ހިންގުން އިސްރާއީލުގެ ބާރުގެ ދަށަށް ގެންދަން އުޅުން ރާއްޖޭން ކުށްވެރިކޮށްފި
ސަން
25 އޯގަސްޓު 2025 | ހޯމަ | 11:05
މުޅި ޣައްޒާގެ ހިންގުން އިސްރާއީލުގެ އިސްތިއުމާރީ ބާރުގެ ދަށަށް ގެންދިއުމަށް ނިންމާފައިވާ ނިންމުން، އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ)ގައި ރާއްޖޭން މިއަދު ކުށްވެރިކޮށްފިއެވެ.
އޯއައިސީން ވަނީ ސައުދީ އަރަބިއްޔާގެ ޖިއްދާގައި ޚާރިޖީ ވަޒީރުންގެ ފެންވަރުގައި އެކްސްޓްރާއޯޑިނަރީ ބައްދަލުވުމެއް ބާއްވައިފައިއެވެ.
އެ ބައްދަލުވުމަކީ، ފަލަސްތީނުގެ ޣައްޒާއަށް ކާބޯތެކެތި ވެއްދުން މަނާކޮށް ޣައްޒާގެ ރައްޔިތުން ބަނޑަށް ޖައްސައި، އިސްރާއީލުގެ އިސްތިއުމާރީ ބާރުގެ ދަށަށް މުޅި ޣައްޒާ ގެންދިއުމަށް ނިންމާފައިވާ ނިންމުމާ ދެކޮޅަށް އަޑުއުފުލުމަށް ބޭއްވި ބައްދަލުވުމެކެވެ.