ހަންކެޑެ މަޝްރޫއު ހުއްޓާލުމުން ބޮޑު ބަދަލެއް ދޭން ޖެހިދާނެ: ފައްޔާޒު
ސަން
25 އޯގަސްޓު 2025 | ހޯމަ | 11:59
އައްޑޫ ސިޓީގައި އިންޓަގްރޭޓެޑް ޓޫރިސްޓު ރިސޯޓެއް ތަރައްގީކުރަން ފެށި ހަންކެޑެ މަޝްރޫއު މި ސަރުކާރުން ހުއްޓާލައިފި ކަމަށާއި އޭގެ ސަބަބުން ބޮޑު ބަދަލެއް ދޭން ޖެހިދާނެ ކަމަށް އެމްޑީޕީގެ ޗެއާޕާސަން ފައްޔާޒް އިސްމާއިލް މިރޭ ވިދާޅުވެއްޖެއެވެ.
ހަންކެޑެ މަޝްރޫއަކީ ބޭންކް އޮފް ޗައިނާއިން 120 މިލިއަން ޑޮލަރުގެ ލޯނެއް ނަގައިގެން ކުރީ ސަރުކާރުން ތަރައްގީކުރަން ނިންމާފައިވާ މަޝްރޫއެކެވެ.
މި ސަރުކާރުން ވެސް ކުރިން ނިންމީ ކުރީ ސަރުކާރުން ފަށާފައި އޮތް ހަންކެޑެ މަޝްރޫއު އެގޮތަށް ކުރިއަށް ގެންދިއުމަށެވެ. އެގޮތުން މިދިޔަ އަހަރުގެ އޭޕްރީލް މަހުގެ ތެރޭގައި ހަންކެޑެ ސަރަހައްދުގައި ހަވާ އެރުވުމާއެކު މަޝްރޫއު އިފުތިތާހުކުރުމަށް ބޮޑު ރަސްމިއްޔާތެއް ބޭއްވިއެވެ.