ކޮލަމާ ބޯޓް: ކައްޕި މަރުވި ކަމަށް ބެލެވެނީ އިންޖީނު ރޫމުގެ ކަަރަންޓުގައި ޖެހިގެން ރޭ
ސަން
1 ސެޕްޓެމްބަރު 2025 | ހޯމަ | 6:04
ގެއްލިގެން ހޯދަމުންދިޔަ، ގއ. އަތޮޅު ކޮލަމާފުއްޓަށް ނިސްބަތްވާ "ކޮލަމާ" ބޯޓުގެ ކެޕްޓަން މަރުވި ކަމަށް ބެލެވެނީ ކަރަންޓު ޖެހިގެން، ރޭގެ ވަގުތެއް ކަމަށް މައުލޫމާތު ލިބިއްޖެއެވެ.
"ފޭސްބުކް"ގައި މީހަކު ކޮށްފައިވާ ޕޯސްޓެއްގައިވާ ގޮތުން، ކޮލަމާ ބޯޓު ލ. އަތޮޅުން ގއ. އަތޮޅަށް ދަތުރުކުރަމުން ދަނިކޮށް، ރޭ ހުވަދޫ ކަނޑަށް ދިޔަ ފަހުން އެއްވެސް ޚަބަރެއް ނުވެއެވެ. އެހެންވެ، ބޯޓާ ގުޅޭ މައުލޫމާތެއް ލިބިފައިވާނަމަ އެ މައުލޫމާތު ހިއްސާކުރުމަށް، ޕޯސްޓުގައި އެދިފައިވެއެވެ.
ފުލުހުން މިއަދު ބުނީ އެ ހާދިސާއާ ގުޅޭ މައުލޫމާތު ލިބުނީ މިއަދު 13:25ހާއިރު ކަމަށާއި، ބޯޓު ހޯދުމުގެ މަސައްކަތް ކުރަނިކޮށް އެކެފަރަ ސަރަހައްދުން ފެނިފައިވާ ކަމަށެވެ. ބޯޓު ފެނުމާއެކު ކެޕްޓަންއަށް ފަރުވާ ދިނުމަށް ގއ. ވިލިނގިލި ހޮސްޕިޓަލަށް ގެންދިޔަ ކަމަށް އެ މުއައްސަސާއިން ބުންޏެވެ.