ބަލި ދަރިފުޅު ވަޅިން ހަމަލާދިން ބައްޕަ ފަރުވާއަށް ފަހު ދޫކޮށްލައިފި
ސަން
4 ސެޕްޓެމްބަރު 2025 | ބުރާސްފަތި | 10:15
މިދިޔަ އާދީއްތަ ދުވަހުގެ ރޭ އއ. އުކުޅަހުގައި ދެބަފައިންގެ ދެމެދު ހިނގި ހާދިސާއެއްގައި އަނިޔާވި ބައްޕަ ފަރުވާއަށް ފަހު ދޫކޮށްލައިފިއެވެ.
އައިޖީއެމްއެޗްގެ މީޑިއާ އޮފިޝަލް "ސަން"އަށް އިއްޔެ ވިދާޅުވީ، ބައްޕައަށް ފަރުވާ ދިނުމަށް ފަހު ދޫކޮށްލާފައިވާ ކަމަށާއި، އޭނާގެ ފިރިހެން ދަރިފުޅު ހޮސްޕިޓަލްގައި އެޑްމިޓްކޮށް އިތުރު ފަރުވާ ދެމުން އަންނަ ކަމަށެވެ.
އެކަމަކު ބައްޕަ ދޫކޮށްލި ދުވަހާއި، އޭނާގެ ދަރިފުޅު އެޑްމިޓްކޮށްގެން ދޭ ފަރުވާގެ ތަފްސީލު އައިޖީއެމްއެޗުން ނުދެއެވެ.