ރައީސްގެ ސްކޮލަޝިޕުން ކިޔަވާ ދަރިވަރުންނަށް ވެސް ފައިސާ ނުލިބި؛ މިއީ ބޮޑު ދައްޗެއް
ސަން
4 ސެޕްޓެމްބަރު 2025 | ބުރާސްފަތި | 1:38
މަތީ ސާނަވީ އިމްތިޙާނުން އެއްވަނަ ދަރަޖައިގައި ފާސްވާ ދަރިވަރުންނަށް ރައީސުލްޖުމްހޫރިއްޔާ ދެއްވާ ޚާއްސަ ސްކޮލަޝިޕްގައި ރާއްޖެއިން ބޭރުން މަތީ ތައުލީމު ހާސިލްކުރަމުންދާ ބައެއް ދަރިވަރުންނަށް ސްޓައިޕެންޑުގެ ގޮތުގައި ދޫކުރާ ފައިސާ ލިބުން ލަސްވެ، ދަރިވަރުންނާއި ބެލެނިވެރިން ކަންބޮޑުވުން ފާޅުކޮށްފިއެވެ.
ރައީސް ދެއްވާ ސްކޮލަޝިޕް ލިބެނީ މަތީ ސާނަވީ އިމްތިޙާނުން އިސްލާމާއި ދިވެހި މާއްދާ ހިމެނޭ ގޮތަށް ފަސް މާއްދާއިން އޭ ސްޓާ ހޯދައި، އޯލެވެލް ނުވަތަ އެއަށް ވުރެ މަތިން އިނގިރޭސިން ސީއަށް ވުރެ މަތީ ފާހެއް ހޯދާ ދަރިވަރުންނަށެވެ. އެގޮތުން، އެ ސްކޮލަޝިޕް ލިބޭ ދަރިވަރުން ބޭނުންވާ ގައުމަކުން ބޭނުން ދާއިރާއަކުން ފުރަތަމަ ޑިގްރީއަށް ކިޔެވުމުގެ ހުރިހާ ޚަރަދެއް ސަރުކާރުން ކޮށްދެއެވެ.
ސްކޮލަޝިޕްގެ ދަށުން ބޭރުގައި ތައުލީމު ހާސިލުކުރާ ދަރިވަރުންނަށް ސްޓައިޕެންޑް ފައިސާ ދޫކުރާނީ ހަ މަހުން ހަ މަހުންނެވެ. އެއީ ޖެނުއަރީން ފެށިގެން ޖޫން މަހަށާއި، ޖުލައި މަހުން ފެށިގެން ޑިސެމްބަރު މަހުގެ ނިޔަލަށެވެ.