މި ޖީލުގައި ކުރިއަށް ދާއިރު، ވިސްނަންވީ މަސައްކަތްކޮށް މަސައްކަތުގެ ތަޖުރިބާއާއެކީ ރަނގަޅު އަޚުލާގުގައި ކުރިއަށް ދިއުމަށް ކަމަށް، މޯލްޑިވްސް ޑިވެލޮޕްމެންޓް އެލަޔަންސް (އެމްޑީއޭ)ގެ ރައީސް، އަދި ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަހްމަދު ސިޔާމް މުހައްމަދު މިއަދު ވިދާޅުވެއްޖެއެވެ.

ދ. ބަނޑިދޫގައި އެމްޑީއޭގެ ޕޮލިޓިކަލް ސެންޓަރު ހުޅުވައިދެއްވުމަށް ފަހު ދެއްކެވި ވާހަކަފުޅުގައި ސިޔާމް ވިދާޅުވީ، ސިޔާސީ ލީޑަރުން ވާންވާނީ ރައްޔިތުންނަށް ދިމާވާ ކޮންމެ ކަމެއް ދެނެގަނެ، އެ ކަންކަން ހައްލުކޮށްދެއްވާ ބޭފުޅުންނަށް ކަމަށެވެ.

އެގޮތުން އެންމެ ރައްޔިތަކު ވެސް ހާލުގައި ޖެހިފައިވާނަމަ، މުޅި މުޖުތަމައު އެކަމާ ހިތާމަކުރާނެ ކަމަށް ސިޔާމް ވިދާޅުވިއެވެ. އެގޮތުން، ދ. ހުޅުދެލީގެ ކުއްޖަކަށް ދިމާވި މައްސަލައެއްގައި މުޅި ރަށުގެ ރައްޔިތުން އެކުގައި ނުކުމެ، އެ ކުއްޖާއަށް ގޮތެއް ހޯދައިދިނުމަށްޓަކައި މަސައްކަތްކުރި މަންޒަރު ފެނިވަޑައިގަތް ކަމުގައި އެމަނިކުފާނު ވިދާޅުވިއެވެ.

މައުޟޫޢުތަށް