ބަންޔަން ޓްރީ ވައްބިންފަރު ސަރަހައްދުގައި، އެމްއެންޔޫއިން ރިސޯޓާ ގުޅިގެން ދިރާސާތައްކުރަނީ
ސަން
10 ސެޕްޓެމްބަރު 2025 | ބުދަ | 5:22
ގައުމީ ޔުނިވާސިޓީ (އެމްއެންޔޫ) އާއި ބަންޔަން ޓްރީ ވައްބިންފަރު ގުޅިގެން، އެ ރިސޯޓުގެ ފަރު އޮންނަ ސަރަހައްދުގައި ދިރާސާތައް ކުރިއަށްގެންދަން ފަހުމުނާމާއެއްގައި ސޮއިކޮށްފިއެވެ.
ވައްބިންފަރާއެކު ފަހުމުނާމާގައި ސޮއިކުރުމަށް ގަައުމީ ޔުނިވާސިޓީގައި ބޭއްވި ރަސްމިއްޔާތުގައި، އެމްއެންޔޫގެ ފަރާތުން މި އެއްބަސްވުމުގައި ސޮއިކުރެއްވީ ވައިސް ޗާންސެލަރު ޑރ. ޢާއިޝަތު ޝެހެނާޒް އާދަމެވެ. ބަންޔަން ޓްރީ ވައްބިންފަރުގެ ފަރާތުން ސޮއިކުރެއްވީ އެ ރިސޯޓުގެ ޖެނެރަލް މެނޭޖަރު އެލިއަސް ޕާޓޮފްޓެވެ.
އެމްއެންޔޫއިން ބުނީ މި އެއްބަސްވުމުގެ ދަށުން ބަންޔަން ޓްރީގެ ވަށައިގެންވާ ފަރު ވާނީ ދިރާސާ މަރުކަޒަކަށްކަމަށެވެ. މިކަމުގެ ސަބަބުން އެމްއެންޔޫގެ ދަރިވަރުންނާއި މުވައްޒަފުންނަށް ތަފާތު އަދި ސާފު ކަނޑުގެ ވެއްޓެއްގައި ދިރާސާ މަސައްކަތްތައްކޮށް، ޙަގީގީ ދުނިޔޭގެ ޙާލަތްތަކުގައި ފީލްޑް އަދި ތަޖުރިބާއަށް ބިނާކޮށް ދިރާސާ ކުރުމުގެ ފުރުސަތު ލިބޭނެ ކަމަށް އެމްއެންޔޫއިން ބުންޏެވެ.