ޝަރުއީ ދާއިރާއަށް ހިލޭ އެހީގެ ގޮތުގައި ދައުލަތުން ފައިސާ ދިނުމަކީ ޝަރުއީ ކޯޓުތަކަށް ދިމާވާ އިދާރީ ގޮންޖެހުންތަކަށް ލިބޭނެ ބޮޑު ލުޔަކަށްވާނެ ކަމަށް ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ)އިން މިއަދު ބުނެފިއެވެ.

ރައީސް މިއަދު އެކްސްގައި ކުރެއްވި ޕޯސްޓެއްގައި ވަނީ، ޖުޑިޝަރީގައި މިހާތަނަށް އިދާރީ ގޮތުންނާއި މާލީ ގޮތުން ނެތް މިނިވަންކަން ލިބޭނެ ގޮތަށް ބޮޑު ބަދަލެއް ގެނައުމަށް އިއްޔެ ކެބިނެޓުގައި މަޝްވަރާކޮށް ނިންމާފައިވާކަން ހާމަކުރައްވާފައެވެ.

އެކަން ކުރެއްވުމަށްޓަކައި، ދައުލަތުގެ އާމްދަނީން ވަކި އިންސައްތައެއް ކަނޑައަޅައި، ބްލޮކް ގަރާންޓު ނުވަތަ ހިލޭ އެހީގެ ގޮތުގައި ކަނޑައެޅޭ އުސޫލެއްގެ ދަށުން ދޫކުރަން ނިންމަވާފައިވާ ކަން އެމަނިކުފާނު ފާހަގަކުރެއްވިއެވެ.

މައުޟޫޢުތަށް