މަސްތުވާތަކެތި ޓްރެފިކް ކުރުމުގެ މައްސަލައެއްގައި ހިމެނޭ ބައެއްގެ މައްޗަށް ފުރަތަމަ ފަހަރަށް މަނީ ލޯންޑަރިންގެ ދައުވާ އުފުލި ކޭސްގައި ހިމެނޭ ފަސްވަނަ މީހާގެ މައްޗަށް 18 އަހަރުގެ ޖަލު ހުކުމެއް އިއްވައި އޭނާ 200،000 ރުފިޔާއިން ޖޫރިމަނާކޮށްފިއެވެ.

މިއީ، ޖަނަވަރީ 12, 2021, ވަނަ ދުވަހު ރާއްޖެއަށް މަސްތުވާތަކެތި އެތެރެކޮށް އެތަކެތި ބޭނުންކޮށް، ގެންގުޅެ އަދި އެތަކެތި ޓްރެފިކް ކުރާކަމަށް ތުހުމަތުކުރެވުނު މައްސަލައެކެވެ. މި މައްސަލައާ ގުޅިގެން ފުލުހުން މާލޭގެ ހަތަރު ގެއެއް ބަލައިފާސްކޮށް ހިނގި އޮޕަރޭޝަންގައި ގިނަ ޢަދަދެއްގެ މަސްތުވާތަކެތި ފެނިފައިވާއިރު، މި މައްސަލައިގައި ފަސް މީހެއްގެ މައްޗަށް ދައުވާ އުފުލިއެވެ.

މި މައްސަލައިގައި ތ. ތިމަރަފުށި، ވައިޓްރޯސް، އިސްމާޢިލް ޝަރީފް، މއ. ޙަސްލަތު، ޝާނިޔާ އިބްރާހީމް، ހުޅުމާލެ ފްލެޓް ނަންބަރު 01-ޖީ-45، ޙަސަން ރަޝީދު އަދި ގދ. ތިނަދޫ، ރަންގަލް، ޙަސަން ލޫޠްގެ މައްޗަށް އުފުލީ، ޑައިމޯފިން ޓްރެފިކް ކުރުމުގެ ދައުވާއާއި މަނީ ލޯންޑްރިންގެ ދައުވާއެވެ.

މައުޟޫޢުތަށް