މޯލްޑިވިއަންއިން ހުޅުވާލި ހަތަރު ކެޑޭޓު ޕައިލެޓްގެ މަގާމަށް 100އެއްހާ މީހުން ކުރިމަތިލައިފި
ސަން
14 ސެޕްޓެމްބަރު 2025 | އާދިއްތަ | 8:47
ގައުމީ އެއާލައިން، މޯލްޑިވިއަންއިން ހަތަރު ކެޑޭޓު ޕައިލެޓުން ހޯދަން ހުޅުވާލި ފުރުސަތަށް 100އެއްހާ މީހުން ކުރިމަތިލައިފިއެވެ.
ޕައިލެޓުކަން ކިޔެވުމަށް ފަހު، ގިނަ އަދަދެއްގެ ޒުވާނުންނަށް ވަޒީފާ ނުލިބި ތިއްބައި މޯލްޑިވިއަންގެ އޭޓީއާރަށް ދެ ޕައިލެޓުން ހޯދަން މިދިޔަ ޖުލައި މަހު އިއުލާނުކުރިއެވެ. އޭގެފަހުން، ސީޕްލޭންއަށް ދެ ޕައިލެޓުން ހޯދަން އިއުލާނުކުރީ މިދިޔަ މަހެވެ.
އެ މަގާމުތަކަށް މިހާތަނަށް ކުރިމަތިލީ ކިހާ މީހުނެއްތޯ 'ސަން'އިން ސުވާލުކުރުމުން މޯލްޑިވިއަންގެ މެނޭޖިން ޑިރެކްޓަރު އިބްރާހިމް އިޔާސް މިއަދު ވިދާޅުވީ، 100އެއްހާ މީހުން ކުރިމަތިލާފައިވާ ކަމަށެވެ. އޭގެތެރެއިން މީހުން ނެގުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވިއެވެ.