ދިވެހިރާއްޖޭގެ ވެރިކަމުގެ ރިޔާސީ ދައުރު ދަންމާނުލާނެ ކަމަށާއި އެ ކަމަށް ރައީސް ޑރ. މުހައްމަދު މުއިއްޒު ތާއީދުނުކުރައްވާނެ ކަމަށް ޕީއެންސީ ޕާލަމެންޓަރީ ގްރޫޕް (ޕީޖީ)ގެ ލީޑަރު އިބްރާހީމް ފަލާހު މިއަދު ވިދާޅުވެއްޖެއެވެ.

ދައުރުން ބޭރުން މިއަދު ބާއްވާ ރައްޔިތުންގެ މަޖިލީހުގެ ޖަލްސާގައި ފަލާހު ހުށަހެޅުއްވި ފެންނަ ނުފެންނަ ވޯޓުގެ ބިލާ މެދު ކޮމިޓީން ނިންމިގޮތުގެ ރިޕޯޓަށް ބަހުސްކުރައްވަމުން އޭނާ ވިދާޅުވީ، މި ސަރުކާރުން ރިޔާސީ ދައުރު ދަންމާނުލާނެ ކަމަށާއި، އެ ކަމަށް ސަރުކާރުން ތާއީދު ވެސް ނުކުރާނެ ކަމަށެވެ. ޚުދު ރައީސް ވެސް އެ ކަމަށް ތާއީދުނުކުރައްވާނެ ކަމަށް ފަލާހު ވިދާޅުވިއެވެ.

"ރިޔާސީ ދައުރު މި އުޅެނީ ކުރުކޮށްލަން، މަޖިލީހުގެ ދައުރު ވެސް މި އުޅެނީ ކުރުކޮށްލަން ކުރިއަށް އޮތް ދުވަސްތަކުގައި،" އޭނާ ވިދާޅުވިއެވެ.

މައުޟޫޢުތަށް