ގާނޫނުއަސާސީއާއި ބައިނަލްއަގުވާމީ އުސޫލުތަކުގައިވާ ގޮތުގެ މަތިން، މީޑިއާ ބިލަށް ބޮޑެތި ބަދަލު ގެންނަންޖެހޭ ކަމަށް ރާއްޖޭގެ ބާ ކައުންސިލުން ބުނެފިއެވެ.

ރައްޔިތުންގެ މަޖިލީހަށް ހުށަހަޅައިފައިވާ މީޑިއާ ބިލުގެ ސަބަބުން މިނިވަންކަން ގެއްލޭ ކަމަށް ބުނެ ނޫސްވެރިން ނުރުހުން ފާޅުކުރަމުން ދަނިކޮށް، ބިލު ދިރާސާ ކުރި މިނިވަން މުއައްސަސާތަކުގެ ކޮމިޓީން މިއަދު ވަނީ އެ ބިލު ފާސްކޮށްފައެވެ. އަދި މަޖިލީހުގައި ސުޕަމެޖޯރިޓީ އޮންނަ ވެރިކަން ކުރާ ޕީއެންސީގެ މެންބަރަކު ވަނީ މާދަމާ، ދައުރުން ބޭރުން މަޖިލީހުގައި ބާއްވާ ޖަލްސާގައި ބިލް ފާސްކުރަން މަސައްކަތް ކުރާނެ ކަމަަށް "ސަން"އަށް ވިދާޅުވެފައެވެ.

އެ ބިލާ ގުޅޭ ގޮތުން ބާ ކައުންސިލުން އެކްސްގައި ކުރި ޕޯސްޓެއްގައި ބުނީ ބިލާ ގުޅޭ ގޮތުން ކައުންސިލުން ދެކޭ ގޮތް މަޖިލީހަށް ހުށަހަޅައިފައިވާ ކަމަށެވެ. އެގޮތުން ގާނޫނުއަސާސީގެ ހަމަތަކާއި ބައިނަލްއަގުވާމީ މިންގަނޑުތަކަށް ބިލު ފެތޭ ގޮތަށް، ބޮޑެތި އިސްލާހުތަކެއް ގެންނަން ޖެހޭ ކަމަށް ކައުންސިލުން ގަބޫލުކުރާ ކަމަށް އެ ޕޯސްޓުގައިވެއެވެ.

މައުޟޫޢުތަށް