ކާށިދޫގައި ކެފޭ އުސޫލުން ޑުރަގު ވިއްކަމުން ދިޔަ 3 ތަނެއް ބަންދުކޮށް، 2 މީހަކު ހައްޔަރުކޮށްފި
ސަން
16 ސެޕްޓެމްބަރު 2025 | އަންގާރަ | 10:01
މަސްތުވާތަކެއްޗާ ދެކޮޅަށް ކ. ކާށިދޫގައި ކުރިއަށް ގެންދިޔަ އޮޕަރޭޝަނެއްގައި، ކެފޭ އުސޫލުން ޑުރަގު ވިއްކަމުން ދިޔަ ތިން ތަނެއް މިއަދު ބަންދުކޮށްފިއެވެ.
ފުލުހުން ބުނީ، ކާށިދޫއަށް މަސްތުވާތަކެތި އެތެރެކުރާ ކަމަށް ލިބުނު މައުލޫމާތަކާ ގުޅިގެން އެ ރަށުގައި ޚާއްސަ އޮޕަރޭޝަނެއް ހިންގައިފައިވާ ކަމަށެވެ. އެގޮތުން، އެ ރަށުގައި މަސްތުވާތަކެތި ވިއްކާ ކަމަށް ތުހުމަތުކުރެވޭ މީހުންނާއި ތަންތަން ބަލައި ފާސްކުރި ކަމަށް ފުލުހުން ބުންޏެވެ.
އެ މަސައްކަތުގައި، ކެފޭ އުސޫލުން މަސްތުވާތަކެތި ވިއްކާ ކަމަށް ތުހުމަތުކުރެވޭ ތިން ތަނެއް ހޯދައި، ބަންދުކޮށްފައިވާ ކަމަށް ފުލުހުން މައުލޫމާތުދިނެވެ.