އެސްޓީއޯއިން އެތެރެކުރުމުން އޮރެންޖުގެ އަގު 5 ރުފިޔާއަށް، އާފަލުގެ އަގު އަދިވެސް ބޮޑު
ސަން
19 ސެޕްޓެމްބަރު 2025 | ހުކުރު | 3:18
ސަރުކާރުގެ ވިޔަފާރި ކުންފުނި، އެސްޓީއޯއިން އެތެރެކުރަން ފެށުމުން މި ފަހުން 10 ރުފިޔާއަށް ވުރެ މައްޗަށް އުފުލުނު އޮރެންޖުގެ އަގު ފަސް ރުފިޔާއަށް ދަށްވެއްޖެއެވެ.
މި ފަހުން އަގުތައް ބޮޑުވި އާފަލާ އޮރެންޖުގެ އަގުތައް މިހާރު ވަނީ ދަށްވެފައެވެ.
ދަތުރުވެރިންގެ މާރުކޭޓުގެ ވިޔަފާރިވެރިއަކު 'ސަން'އަށް ބުނީ، މީގެ ދެތިން ދުވަހެއް ކުރިން އޮރެންޖުގެ އަގު ހެޔޮވާން ފަށާފައިވާ ކަމަށެވެ. އެގޮތުން، މިހާރު އޮރެންޖެއް ލިބެން ހުރީ، ފަސް ރުފިޔާއާއި ހަ ރުފިޔާއަށް ކަމަށްވާއިރު، އާފަލެއް އަދިވެސް ލިބެނީ 12 ރުފިޔާއަށް ކަމަށް އޭނާ ބުންޏެވެ.