ބޮޑުތަކުރުފާނު މަގަށް ފުރަތަމަ ފުޅާކުރާ ސަރަހައްދުގެ 90 ޕަސެންޓު ހިއްކައި ނިމިއްޖެ: އެމްޓީސީސީ
ސަން
20 ސެޕްޓެމްބަރު 2025 | ހޮނިހިރު | 2:01
ހަތަރު ލޭނަށް ފުޅާކޮށް، ޒަމާނީ ފެންވަރަކަށް ބޮޑުތަކުރުފާނު މަގު ތަރައްގީކުރުމުގެ މަޝްރޫއުގެ ތެރެއިން މަގު ފުޅާކުރުމަށްޓަކައި ފުރަތަމަ ހިއްކަން ޖެހޭ ސަރަހައްދުގެ 90 ޕަސެންޓު މަސައްކަތް ނިމިފައިވާ ކަމަށް، އެމްޓީސީސީން ބުނެފިއެވެ.
ދައުލަތުގެ މީޑިއާ ޕީއެސްއެމްއިން އެމްޓީސީސީއާ ހަވާލާދީ ބުނީ، ބޮޑުތަކުރުފާނު މަގުގެ އެއްގަމު ތޮށި ހެދުމަށް ބޭނުންވާ ކޮންކްރީޓް ޕެނަލްތައް މަޝްރޫއު ކުރިއަށް ގެންދާ ސައިޓަށް މިހާރު ގެންގޮސްފައިވާކަމަށެވެ.
ހަމައެއާއެކު ސީ ޗެނަލް އިންސްޓޯލްކުރުމާއި ޝީޓް ޕައިލްތައް ވަރުގަދަކުރުމަށް ޖަހާފައިވާ އެންކާ ބްލޮކްގެ މަސައްކަތްތައް ވެސް މިހާރު އެއްކޮށް ނިމިފައިވާ ކަމަށް އެމްޓީސީސީން ބުނެފައިވެއެވެ.