ދުނިޔޭގެ ލީޑަރުން ބައިވެރިވާ އދ.ގެ އާންމު މަޖިލީހަށް ރައީސްގެ ބަދަލުގައި ޚަލީލް
ސަން
21 ސެޕްޓެމްބަރު 2025 | އާދިއްތަ | 4:17
ދުނިޔޭގެ ލީޑަރުން ބައިވެރިވެވަޑައިގަންނަވާ އދ.ގެ 80ވަނަ އާންމު މަޖިލީހުގެ ބައްދަލުވުމަށް، ރައީސް ޑރ. މުޙައްމަދު މުއިއްޒުގެ ބަދަލުގައި ފޮރިން މިނިސްޓަރު ޑރ. އަބްދުﷲ ޚަލީލް މިއަދު ނިއުޔޯކަށް ފުރައިވަޑައިގެންފިއެވެ.
އެކްސްގައި ކުރެއްވި ޕޯސްޓެއްގައި ޚަލީލް ވަނީ މިއަދު ފުރަވަޑައިގެންނެވިކަން ހާމަކުރައްވައިފައެވެ.
އާންމު ގޮތެއްގައި، އދ.ގެ އާންމު މަޖިލީހުގެ ސެޝަންގައި ބައިވެރިވެވަޑައިގަތުމަށް މީގެ ކުރިން ވެސް ނިއުޔޯކަށް ވަޑައިގަންނަވަނީ ރައީސުލްޖުމްހޫރިއްޔާއެވެ. އެގޮތުން މިދިޔަ އަހަރު ވެސް ރައީސް ޑރ. މުޙައްމަދު މުއިއްޒު ވަނީ އދ.ގެ އާންމު މަޖިލީހުގައި ތަގުރީރުކުރައްވަން އެމެރިކާއަށް ވަޑައިގެންފައެވެ.