ރިކާހުރު ޓައްޕުތަކެއް ވަގަށް ނެގި މީހަކު ޖަލަށްލާން އިއްޔެ ގދ. ވާދޫ މެޖިސްޓްރޭޓް ކޯޓުން ހުކުމްކޮށްފިއެވެ.

މިއީ، ޅ. ނައިފަރުގައި މި އަހަރުގެ އޭޕްރީލް މަހު ހިނގި ރިހާކުރު ވައްކަމުގެ މައްސަލައެކެވެ. މި މައްސަލައިގައި ދައުލަތުން، ގދ. ވާދޫ، ބަނަފްސާގެ، ހުސައިން ޝަނޫންގެ މައްޗަށް ހަތަރު ދައުވާކުރިއެވެ. އެއީ، އެނގިހުރެ ހުއްދަ ނޫންތަނަކަށް ވަނުމުގެ ދެ ދައުވާކާއި ވައްކަމުގެ ދެ ދައުވާއެކެވެ.

އިއްޔެ ކުރި މި ހުކުމަކީ، މި އަހަރުގެ އޭޕްރީލް މަހުގެ 21 ވަނަ ދުވަހުގެ ރޭ އަދި 22 ވަނަ ދުވަހުގެ ރޭ ދަންވަރު ނައިފަރުގައި ކުރި ވައްކަމަކާ ގުޅޭ މައްސަލައެކެވެ. މި މައްސަލަ ނިމުނު ގޮތުގެ ރިޕޯޓުތަކުން އެނގޭ ގޮތުން ވައްކަން ކުރި ޝަނޫން ވަނީ ދަންވަރު ނައިފަރު، ރަޒްދާން ގެއަށް ވަދެ 20 ލިޓަރުގެ ޓައްޕެއްގައި ހުރި ރިހާކުރު، ދެ ރެއެއްގެ މަތިން ވަގަށް ނަގާފައެވެ. ކޮންމެ ރެއަކު ވެސް އޭނާ ވަގަށް ނަގާފައިވަނީ 20 ލިޓަރުގެ ޓައްޕެއްގެ ރިހާކުރެވެ.

މައުޟޫޢުތަށް