ފުލިދޫ ގޮނޑުދޮށުން ކަޅުތެޔޮ އެއްކޮށްހެން ސާފުކޮށްފި, މިހާރު މޫދަށް އެރެވޭ
ސަން
25 ސެޕްޓެމްބަރު 2025 | ބުރާސްފަތި | 12:47
ވ. ފުލިދޫގެ ހިތްގައިމު ގޮނޑުދޮށަށް އިއްޔެ ލެއްގި ކަޅުތެޔޮތައް އެއްކޮށްހެން ސާފުކޮށްނިމިފައިވާ ކަމަށް އެރަށު ކައުންސިލުން މިއަދު ބުނެފިއެވެ.
ލޯކަލް ޓުއަރިޒަމަށް މަޝްހޫރު ފުލިދޫގެ ރީތި ގޮނޑުދޮށް ކަޅު ތެލުން ތަޣައްޔަރުވެފައިވާކަން އެނގުނީ އިއްޔެ ހެނދުނެވެ. އެއީ އެ ރަށުގެ އާއްމުންނާއި ރަށަށް ޗުއްޓީއަށް ގޮސްތިބި ސަތޭކައަށް ވުރެން ގިނަ ޓޫރިސްޓުންގެ ކަންބޮޑުވުމެކެވެ.
އިތުރު މައުލޫމާތު 'ސަން'އާ ހިއްސާކުރައްވައި ފުލިދޫ ކައުންސިލުގެ ރައީސް މުޙައްމަދު އިމްތިޔާޒު މިއަދު ވިދާޅުވީ، އެ ތެޔޮތައް އެއްކޮށްހެން ސާފުކޮށްނިމި، ރަށުގެ ގޮނޑުދޮށް ގާތްގަނޑަކަށް އާންމު ހާލަތަށް ބަދަލުވެފައިވާ ކަމަށެވެ.