ވެންޓިލޭޓަރުގައި ފަރުވާދެމުން ދަނިކޮށް ކީޕަރު އިފްރާހް ނިޔާވެއްޖެ
ސަން
25 ސެޕްޓެމްބަރު 2025 | ބުރާސްފަތި | 10:38
ގައުމީ ފުޓްބޯޅަ ޓީމުގެ އިތުރުން ދިވެހި ފުޓުބޯޅައިގައި އަގުހުރި ޚިދުމަތްތަކެއް ކޮށްދިން ކުރީގެ ގޯލްކީޕަރު އިބްރާހިމް އިފްރާހު އަރީފް (އިފްރާ) ނިޔާވެއްޖެއެވެ.
"ސަން" އަށް މައުލޫމާތުދެމުން އާއިލާއިން ވަނީ މިކަން ކަށަވަރުކޮށްދީފައެވެ. އުމުރުން 36 އަހަރުގެ އިފްރާހް ނިޔާވީ ސްޓްރޯކެއް ޖެހިގެން އޭޑީކޭ ހޮސްޕިޓަލްގެ އައިސީޔޫގައި ފަރުވާދެމުން ދަނިކޮށެވެ.
އިފްރާހަށް ވަނީ މީގެ ދެ ދުވަސްކުރިން ހެމޮރެޖިކް ސްޓްރޯކެއް ޖެހިފައެވެ. އެ ސްޓްރޯކުގެ ސިކުނޑިއަށް އެޅުނު ލޭ ސާފުކުރުމުގެ މަސައްކަތް ކުރިއެވެ. ނަމަވެސް އެއްކޮށް ލޭ ސާފެއް ނުކުރެވެއެވެ. އެހެންކަމުން ސިކުނޑީގެ ދުޅަ ތިރިކުރުމަށް އިންޑިއުސްޑް ކޯމާއެއްގައި އޮތް ނަމަވެސް ވެންޓިލޭޓަރުގައި ފަރުވާދެމުން ދަނިކޮށް މިރޭ ވަނީ ނިޔާވެފައެވެ.