ރާއްޖޭގައި ޑޮލަރުގެ އަގު އުފުލިފައިވުމުން އެކަމަށް ރިއާޔަތްކުރައްވައި، ގެދޮރުވެރިޔާ ފުލެޓުތަކުގެ ޑައުންޕޭމެންޓް އުނިކޮށްދިނުމަށް ފަހި ޔޫނިއަނުން މިއަދު ރައީސް ޑރ. މުޙައްމަދު މުއިއްޒަށް ގޮވާލައިފިއެވެ.

ނިމިދިޔަ އެމްޑީޕީ ސަރުކާރުގައި އިއުލާންކޮށް، މަސައްކަތް ފެށި ގެދޮރުވެރިޔާ ފުލެޓުތަކުގެ ތެރެއިން ނިމުނު ފުލެޓުތަކަށް ޑިޕޮސިޓްގެ ގޮތުގައި 25،000 ރުފިޔާ މިހާރު އަންނަނީ ނަގަމުންނެވެ. އެ މަސައްކަތުގައި އިސްކޮށް ހަރަކާތްތެރިވަނީ ފަހި ދިރިއުޅުން ކޯޕަރޭޝަން (އެފްޑީސީ)އިންނެވެ.

އެފްޑީސީން ބުނީ މި މަހުގެ 14އާ ހަމައަށް ޑިޕޮސިޓް ދައްކަން 909 މީހަކު ތާވަލުކޮށްފައިވާއިރު 588 މީހުން ޑިޕޮސިޓް ދައްކައި ނިންމާފައިވާ ކަމަށެވެ. ޑިޕޮސިޓްގެ ގޮތުގައި ދައްކަން ޖެހެނީ 25,000 ރުފިޔާއެވެ.

މައުޟޫޢުތަށް