ހުއްދަނެތި ގެއަށް ވަދެ، ކުޑަކުދިންތަކެއްގެ ކުރިމަތީ ޒުވާބުކޮށް އިންޒާރުދިން މައްސަލައެއްގައި ހައްޔަރުކުރި ޓިކްޓޮކް ތަރި އާމިނަތު ފޭޒްލީން ކަފާލާތުގެ ދަށުން މިއަދު ދޫކޮށްލައިފިއެވެ.

މިދިޔަ ބުދަ ދުވަހުގެރޭ، ގދ. ތިނަދޫގައި ހުއްދަ ނެތި ގެއަކަށް ވަދެ، ކުޑަކުދިންތަކެއް ކުރިމަތީ ހުތުރުބަހުން ޒުވާބުކޮށް އިންޒާރުދީ މާރާމާރީ ހިންގި މައްސަލައެއްގައި އުމުރުން 49 އަހަރުގެ ފޭޒްލީން ހައްޔަރުކުރީ އިއްޔެ މެންދުރުފަހު 2:32 ހާއިރެވެ.

ފުލުހުން މިއަދު މީގެކުރިން ބުނީ، ފޭޒްލީންގެ ބަންދާމެދު ގޮތެއް ނިންމުމަށް ތިނަދޫ މެޖިސްޓްރޭޓް ކޯޓަށް ހާޒިރުކުރުމުން، 10 ގަޑިއިރުތެރޭ 10،000 ރުފިޔާ ދައްކައިފިނަމަ، ކަފާލާތުގެ ދަށުން އޭނާ ދޫކުރުމަށް، އަދި 10 ގަޑިއިރު ހަމަވުމުގެ ކުރިން އެ ފައިސާ ނުދައްކައިފިނަމަ 15 ދުވަހަށް އޭނާ ބަންދުކުރުމަށް ކޯޓުން ނިންމިކަމަށެވެ.

މައުޟޫޢުތަށް