ހުޅުމާލޭގެ އައު ސްޕީޑު ބްރޭކަރުތަކަށް ފާޑުކިޔުން: ''މަޑުން ދުއްވިޔަސް، މުޅި އުޅަނދަށް ލޮޅުންއަރާ''
ސަން
29 ސެޕްޓެމްބަރު 2025 | ހޯމަ | 8:35
ހުޅުމާލޭގެ މަގުތަކުގައި ދުއްވާ އުޅަނދުތަކުގެ ސްޕީޑް ކޮންޓްރޯލް ކުރުމަށް ޓަކައި، އެ ސިޓީ ބަލަހައްޓާ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން މިހާރު ހަރުކުރަމުން އަންނަ ކުދި ސްޕީޑް ބްރޭކަރުތަކަށް ފާޑުކިޔުން އަމާޒުވެއްޖެއެވެ.
އެޗްޑީސީން އެކްސްގައި ހިއްސާކުރި ޕޯސްޓްތަކެއްގައިވަނީ، ހުޅުމާލޭގެ މަގުތަކަކީ ރައްކާތެރި ތަނަކަށް ހެދުމަށް ޓަކައި ކުރަމުންދާ އެކި މަސައްކަތްތަކުގެ ތެރެއިން, އެކި ސަރަހައްދުތަކުގައި ސްޕީޑް ބްރޭކަރު ހަރުކުރަމުން އަންނަ ކަމަށެވެ.
އެ ކޯޕަރޭޝަނުން މިއަދު ބުނި ގޮތުގައި، އެހާތަނަށް އެކި ސަރަހައްދުތަކުގައި 36 ސްޕީޑް ބްރޭކަރު ހަރުކޮށްފައިވެއެވެ.