ހުޅުމާލެއަށް އާންމުން ގެންނަން ބޭނުންވާ ބަދަލުތައް ހުށަހަޅަން އެދެފި
ސަން
29 ސެޕްޓެމްބަރު 2025 | ހޯމަ | 1:20
ހުޅުމާލެއަށް ގެންނަން ބޭނުންވާ ބަދަލުތައް ހިއްސާކޮށް، ހުޅުމާލޭގެ މާސްޓާޕްލޭނަށް އާންމުންގެ ޚިޔާލު ހޯދުމަށް ފޯރަމެއް ބާއްވަން، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އިން ނިންމައިފިއެވެ.
ހުޅުމާލޭގެ ކަންކަން ބަލަހައްޓާ އެޗްޑީސީން ބުނީ، ހުޅުމާލޭގެ އިޖުތިމާއީ ކަންކަމާއި ދަތުރުފަތުރުގެ ކަންކަން ބައްޓަންކުރާނެ ގޮތާއި ހުޅުމާލެ ފެހިކުރުމާ ގުޅޭ މާސްޓާޕްލޭނަށް އާންމުންގެ ޚިޔާލު ހޯދުމަށްޓަކައި "ޚިޔާލުން ހުޅުމާލެ"ގެ ނަމުގައި ފޯރަމެއް ބާއްވަން ނިންމާފައިވާ ކަމަށެވެ.
އެޗްޑީސީން ބުނިގޮތުގައި، މި ފޯރަމްގެ މަގްސަދަކީ ހުޅުމާލޭގެ ތަރައްގީގައި ހުޅުމާލޭގައި ދިރިއުޅޭ މީހުންގެ ބައިވެރިވުން އިތުރުކޮށް، އާންމުންގެ ޚިޔާލާ އެއްގޮތަށް މާސްޓާޕްލޭން ބައްޓަންކުރުމެވެ.