ރައީސް ޑރ. މުހައްމަދު މުއިއްޒާއި ކުރީގެ ރައީސް އިބްރާހިމް މުހައްމަދު ޞާލިޙާއި މާލޭގެ މޭޔަރަކަށް ހުންނެވި އާދަމް އާޒިމާ ތިން ބޭފުޅުން ތިއްބެވީ ގުޅިފައި ކަމަށް ވިދާޅުވެ، ކުރީގެ ރައީސް އަބްދުﷲ ޔާމީން އަބްދުލްގައްޔޫމް ރޭ ބޮޑު ތުހުމަތުތަކެއް އަމާޒުކުރައްވައިފިއެވެ.

ސިޓީ ކައުންސިލްގައި ކޮށްފައި ހުރި ކަންކަމާއި މިދިޔަ ސަރުކާރުގެ ގިނަ ކަންކަން ނުބަލާ ކަމަށް ވިދާޅުވެ، ޔާމީން ގެންދަވަނީ ވަރަށް ބޮޑަށް ނުރުހުން ފާޅުކުރައްވަމުންނެވެ.

ޔާމީންގެ ޕާޓީ ޕީއެންއެފުން ސިލްސިލާ ގޮތެއްގައި ބާއްވާ ޓައުންހޯލް ޖަލްސާތަކުގެ ތެރެއިން ޖަލްސާއެއްގައި ރޭ ވާހަކަދައްކަވަމުން އެ މަނިކުފާނު ވިދާޅުވީ، ރައީސް މުއިއްޒު މޭޔަރަކަށް ހުންނެވިއިރު ކައުންސިލްގެ ތެރެއިން ހިންގާފައި ހުރި ކަންކަން ބަލާލަން މިހާރު ހުންނެވި މޭޔަރު އާޒިމަށް ކެރިވަޑައިނުގަންނަވާ ކަމަށެވެ. އެހެންވެ، އެ ތަނުގެ އޮޑިޓެއް ނުހެދިގެން އުޅެނީ ކީއްވެތޯ އެ މަނިކުފާނު ވަނީ ސުވާލު އުފައްދަވާފައެވެ.

މައުޟޫޢުތަށް