އަދީބު ޕާޓީ ހިންގެވި އޮފީހުގެ ކުލި ނުދައްކައިގެން ކޯޓަށް
ސަން
30 ސެޕްޓެމްބަރު 2025 | އަންގާރަ | 12:03
ކުރީގެ ނައިބު ރައީސް އަހުމަދު އަދީބުގެ މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ) ހިންގި އިމާރާތުގެ ކުލި ނުދައްކައިގެން އިމާރާތުގެ ވެރި ފަރާތުން ކޯޓަށް މައްސަލަ ހުށަހަޅައިފިއެވެ.
މިއީ، މާލޭގައި އެމްޓީޑީގެ އޮފީސް ހިންގި އިމާރާތުގެ ކުލީގެ ގޮތުގައި އެއް އަހަރު ދުވަހަށް 380،000 ރުފިޔާއާއި، އެގްރިމެންޓްގެ މުއްދަތު ހަމަވީ ފަހުންވެސް ތަން ހަވާލުކޮށްފައިނުވާތީ އެ ފައިސާ ހޯދަން ހުށަހެޅި މައްސަލައެވެ.
ސިވިލް ކޯޓަށް މިދިޔަ މޭ މަހު މި މައްސަލަ ހުށަހަޅާފައިވަނިކޮށް އަދީބުގެ ޕާޓީ އިލެކްޝަންސްއިން ވަނީ އުވާލާފައެވެ. އަދި މި މައްސަލަވެސް ސިވިލް ކޯޓުންވަނީ ހޯމަ ދުވަހު ބާތިލުކޮށްފައެވެ.