ބުރިޖުގެ ލައިޓްތަކާއި ޓްރެފިކް ލައިޓުގައި މައްސަލަ ޖެހުނުތާ ގަޑިއިރުތަކެއް ފަހުން، ހައްލުކޮށްފި
ސަން
30 ސެޕްޓެމްބަރު 2025 | އަންގާރަ | 10:04
ސިނަމާލެ ބުރިޖުން ވެލާނާ އިންޓަނޭޝަނަލް އެއާޕޯޓަށް ވަންނަ ޖަންކްޝަންގައި ހަރުކޮށްފައިވާ ޓްރެފިކް ލައިޓާއި އެ ބުރިޖުގައި ހުރި ލައިޓުތަކެއްގައި މިއަދު މައްސަލަ ޖެހުނުތާ ގަޑިއިރުތަކެއް ފަހުން އެ މައްސަލަ ހައްލުކޮށްފިއެވެ.
ފުލުހުން މިއަދު 13:37ގައި ކުރި އިއުލާނެއްގައި ވަނީ، ސިނަމާލެ ބްރިޖު މަތިން ދުއްވާފައި ގޮސް ވެލާނާ އެއާޕޯޓަށް ވަންނަ ޖަންކްޝަންގެ ޓްރެފިކް ލައިޓް ނުދިއްލޭ ކަމަށެވެ. އެހެންވެ، އެ ސަރަހައްދުގެ ޓްރެފިކް ބަލަހައްޓަން ފުލުހުން ހަރަކާތްތެރިވަމުން އަންނަ ކަމަށް ބުނެ، ދުއްވާއިރު ސަމާލުވާން އިލްތިމާސްކުރިއެވެ.
އޭގެފަހުން ފުލުހުން ވަނީ، އެ ޓްރެފިކް ލައިޓްގެ އިތުރުން ސިނަމާލެ ބުރިޖުގެ ލައިޓުތަކާއި ބުރިޖާ ގުޅިފައިވާ މަގުތަކުގެ ލައިޓްތައް ނުދިއްލޭތީ ދަތުރުކުރާ މީހުން އެކަމަށް ޚާއްސަ ސަމާލުކަމެއް ދިނުމަށް އެދިފައެވެ.