ރައީސް ޑރ. މުޙައްމަދު މުއިއްޒު, މާލޭގެ މޭޔަރަކަށް ހުންނެވިއިރު މާލޭގެ މަގުމަތިން ހަތަރު ފުރޮޅުލީ އުޅަނދު ތަކަށް, ޕާކިން ޒޯންގެ ގޮތުގައި ވިއްކި ތަންތަން ހުސްކޮށް, އެ ތަންތަނަކީ އެންމެންނަށް ބޭނުން ކުރެވޭ ތަންތަން ގޮތުގައި މިއަދުން ފެށިގެން ކަނޑައަޅައިފިއެވެ.

މާލޭ ސިޓީ ކައުންސިލުން މިއަދު ކުރި އިއުލާނެއްގައި ބުނީ، މާލޭގެ މަގުތަކުން ހަތަރު ފޮރޮޅުލީ ވެހިކަލް ޕާކިންއަށް ދޫކޮށްފައިވާ ސަރަޙައްދުތައް ކުއްޔަށް ދިނުމަކީ ގާނޫނީގޮތުން ކުރެވޭނެ ކަމެއް ނޫން ކަމަށް އެޓާނީ ޖެނެރަލްގެ އޮފީހުން ލަފާދީފައިވާތީ، އެކަން ހުއްޓާލަން ޓްރާންސްޕޯޓް މިނިސްޓްރީން އަންގާފައިވާ ކަމަށެވެ.

އެހެންކަމުން މިއަދުން ފެށިގެން, މާލޭގެ މަގުތަކުގައި، ވަކި ކަމަކަށް ބޭނުންކުރާކަން އަންގައިދިނުމުގެ ގޮތުން، ބޯޑަކުން ފާހަގަކޮށްފައިވާ ތަންތަން ފިޔަވައި، މަގުމަތީގައި، ޕާކުކުރެވޭނެކަން އަންގައިދޭ ކޮންމެ ތަނެއްގައި، ކޮންމެ އާންމު ރައްޔިތަކަށް ވެސް ޕާކް ކުރެވޭނެ ކަމަށް ކައުންސިލުން ބުންޏެވެ.

މައުޟޫޢުތަށް