ތައުލީމީ ދާއިރާ ރަނގަޅުކުރަން، މުދައްރިސުންގެ ޤަދަރު އުފުލުމަކީ ވާޖިބެއް: ސިޔާމް
ސަން
5 އޮކްޓޯބަރު 2025 | އާދިއްތަ | 9:40
ތައުލީމީ ދާއިރާގެ ފެންވަރު ރަނގަޅުކުރުމަށްޓަކައި މުދައްރިސުންގެ ގަދަރާއި މަގާމު އުފުލުމަކީ ވާޖިބެއް ކަމަށް އެމްޑީއޭގެ ރައީސް އަދި ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަހްމަދު ސިޔާމް މުހައްމަދު މިއަދު ވިދާޅުވެއްޖެއެވެ.
ބައިނަލްއަޤުވާމީ މުދައްރިސުންގެ ދުވަހުގެ މުނާސަބަތުގައި ފޮނުއްވި ޚިތާބުގައި ސިޔާމް ވިދާޅުވީ، މުދައްރިސުންނަކީ މުޖުތަމައުގެ މައިގަނޑު ބިންގާ ކަމަށާއި، އެއީ ޖީލުތަކަށް އިލްމާއި އަޚުލާގާއި ހިކުމަތުގެ އަލިމަގު ދައްކާ ފަންނުވެރިން ކަމަށެވެ.
މިއަދު މި މުޖުތަމައަށް ޚިދުމަތްކުރައްވާ މޮޅެތި ޑޮކްޓަރުންނާއި އިންޖިނޭރުންނާއި ފަންނުވެރިން އުފެދިފައިވަނީ މުދައްރިސުންގެ މިންނެތް ބުރަ މަސައްކަތާއި އަގުހުރި ޚިދުމަތުގެ ނަތީޖާގެ ސަބަބުންކަން ސިޔާމް ފާހަގަކުރެއްވިއެވެ.