ދިވެހި މުޖުތަމައަށް އުޖާލާ ކުރިމަގެއް ހޯދައިދިނުމުގެ އެންމެ ބޮޑު ދައުރަކާއި ބާރެއް އޮތީ މުދައްރިސުންގެ އަތްމަތީ ކަމަށް، ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ.

ބައިނަލްއަޤުވާމީ މުދައްރިސުންގެ ދުވަހުގެ މުނާސަބަތުގައި މިއަދު 'އެކްސް'ގައި ކުރެއްވި ޕޯސްޓެއްގައި ރައީސް ވިދާޅުވީ، މުދައްރިސުންގެ ބުރަ މަސައްކަތަކީ ދެ ދުނިޔޭގެ މަންފާ އެކުލެވޭ، މާއްދީ އެއްވެސް އެއްޗަކުން އަގުނުކުރެވޭނެ ފަޚުރުވެރި ޚިދުމަތެއް ކަމަށެވެ.

މާދަމާ ޤައުމާ ހަވާލުވާން ތިބީ ޒުވާނުންކަން ފާހަގަކުރައްވައި ރައީސް ވިދާޅުވީ, އެކުދިން މިއަދު ސްކޫލްތަކުގައި ތައުލީމް ހާސިލްކުރުމުން އަންނަ ކަމަށާއި ޤައުމަށް ފައިދާހުރި ހަރުދަނާ ބައެއްގެ ގޮތުގައި އެކުދިން ތަރުބިއްޔަތުވާނީ މުދައްރިސުން މިއަދު ދޭ އިރުޝާދާއި އަޅާލުމާއި ފޯރުކޮށްދޭ ތައުލީމުން ކަމަށެވެ.

މައުޟޫޢުތަށް