800 އަށްވުރެ ގިނަ ބިޔަރު ދަޅާއި، 10 ރާ ފުޅިއާއެކު ހައްޔަރު ކުރި މީހާއަށް ދެ މަހެއްހާ ދުވަހުގެ ޖަލު ހުކުމެއް
ސަން
6 އޮކްޓޯބަރު 2025 | ހޯމަ | 9:48
މާލޭން، 800 އަށްވުރެ ގިނަ ބިޔަރު ދަޅާއި 10 ރާ ފުޅިއާއެކު ހައްޔަރު ކުރި މީހަކު އެއް މަހާއި 24 ދުވަހަށް ޖަލަށްލާން ކްރިމިނަލް ކޯޓުން ހުކުމްކޮށްފިއެވެ.
މިއީ، 2020 ވަނަ އަހަރުގެ ޑިސެމްބަރު މަހު، ގ. ސެމީޓޯން މާދިހު މުހައްމަދު އިބްރާހީމް، މަސްތުވާތަކެއްޗާއެކު ހައްޔަރު ކުރި މައްސަލައެވެ.
އެ އަހަރުގެ ޑިސެމްބަރު މަހުގެ 24 ވަނަ ދުވަހު، މާދިހު ހައްޔަރު ކުރި މި މައްސަލައިގައި ދައުލަތުން އޭނާގެ މައްޗަށް އުފުލާފައިވަނީ ހުއްދަ ނަގައިގެން ކުރަންޖެހޭ ކަމެއް ހުއްދަ ނުނަގާ ކުރުމުގެ ކުށުގެ ދައުވާއެވެ.