މިދިޔަ އަހަރު 13 ކޯޓަކަށް އާ އިމާރާތްތަކެއް ބިނާކުރުމަށް ދައުލަތުގެ ބަޖެޓުގައި 60 މިލިއަނަށްވުރެ ގިނަ ރުފިޔާ ބަޖެޓުކޮށްފައިވީ ނަމަވެސް، ފިނޭންސް މިނިސްޓްރީން އަންގައިގެން ކޯޓު އިމާރާތްތަކުގެ މަސައްކަތް ނުކުރެވި އޮތުމުގެ ކަންބޮޑުވުން ޖުޑީޝަލް ސާވިސް ކޮމިޝަން (ޖޭއެސްސީ)އިން ފާޅުކޮށްފިއެވެ.

ކޯޓުތަކުގައި ހިންގަމުން އަންނަ މައްސަލަތައް ލަސްވެ، ދިގުލައިގެން ދިއުމަކީ އާންމުންގެ ކަންބޮޑުވުން އޮންނަ ކަމެކެވެ.

ރައްޔިތުންގެ މަޖިލީހުގެ ޖުޑީޝަރީ ކޮމިޓީއަށް ޖޭއެސްސީން ހިއްސާކުރި ތަފާސްހިސާބުތަކުގައިވާ ގޮތުން، ފަސް އަހަރަށްވުރެ ގިނަ ދުވަސްވެފައިވާ 565 މައްސަލައަކާއި، ހަތަރު އަހަރާއި ފަސް އަހަރާ ދެމެދުގެ މުއްދަތެއް ހިނގާފައިވާ 652 މައްސަލައަކާއި، ތިން އަހަރާއި ހަތަރު އަހަރާ ދެމެދުގެ މުއްދަތެއް ހިނގާފައިވާ 1،104 މައްސަލައެއްގެ އިތުރުން، ދެ އަހަރާއި ތިން އަހަރާ ދެމެދުގެ މުއްދަތެއް ހިނގާފައިވާ 1،836 މައްސަލައެއް ކްރިމިނަލް ކޯޓުގައި ނުނިމި އެބައޮތެވެ.

މައުޟޫޢުތަށް