ލާމަރުކަޒީ ގާނޫނަށް ގެނައި އިސްލާހާއެކު 30 ދުވަސް ތެރޭ ގެޒެޓުކުރަންޖެހޭ އުސޫލެއް ގެޒެޓުނުކުރެވި ކައުންސިލްތަކަށް، ކޮންމެހެން ބޭނުންވާ މުވައްޒަފުން ނުނެގި، މަސައްކަތްތައް ހުއްޓިފައި އޮއްވައި ދެ މަސްވާން ގާތްވެފައި ވަނިކޮށް އިއްޔެ އެ އުސޫލު ގެޒެޓުކޮށްފިއެވެ.

މިދިޔަ އޮގަސްޓް މަހުގެ 14 ވަނަ ދުވަހުގެރޭ ރައީސް ޑރ. މުހައްމަދު މުއިއްޒު ތަސްދީގުކުރައްވައި، 18 ވަނަ ދުވަހު ވަނީ ލޯކަލް ކައުންސިލްތަކުގެ ގާނޫނަށް ގެނައި އިސްލާހުތަކަށް އަމަލުކުރަން ފަށައިފައެވެ.

މި ގާނޫނާއެކު ކައުންސިލްތަކުގެ ދައުރު ހަމަވާ ފަހު އަހަރު، ވަރަށް ގިނަ ކަންކަން ނުކުރެވޭ ގޮތް ވަނީ ހަދައިފައެވެ. އެގޮތުން ކައުންސިލަށް މުވައްޒަފުން ނެގުމާއި، މަސައްކަތްތައް ހަވާލުކުރުމާއި، އެހެނިހެން މުހިންމު ކަންކަން ހިމެނެއެވެ.

މައުޟޫޢުތަށް