ބާރު އަޑު ފޮނުވާ ސޮނިކް ވެޕަން މާލެ ތެރޭ ބޭނުންކޮށްގެން ނުވާނެ: އުމަރު ނަސީރު
ސަން
7 އޮކްޓޯބަރު 2025 | އަންގާރަ | 11:57
ބާރު އަޑު ފޮނުވާ ސޮނިކް ވެޕަން މާލޭ ތެރޭ ބޭނުންކޮށްގެން ނުވާނެ ކަމަށް ކުރީގެ ހޯމް މިނިސްޓަރު އުމަރު ނަސީރު ރޭ ވިދާޅުވެއްޖެއެވެ.
އެމްޑީޕީގެ މުޒާހަރާ ރޫޅާލަން ފުލުހުން ބާރު އަޑެއް ފޮނުވާ ހަތިޔާރު ނުވަތަ ލޯންގް ރޭންޖް އެކޮސްޓިކް ޑިވައިސް (އެލްއާރްއޭޑީ) ބޭނުންކުރުމުން ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ. ހިއުމަން ރައިޓްސް ކޮމިޝަން (އެޗްއާރްސީއެމް)އިން ވެސް އަންނަނީ އެ މައްސަލަ ބަލަމުންނެވެ. އަދި، ގިނަ އަދަދެއްގެ މީހުން ވަނީ އެ ކަމުގެ ސަބަބުން ސިއްހީ ގެއްލުންވެފައިވާ ކަމަށް ރިޕޯޓުކޮށްފައެވެ.
'ޗެނަލް 13'ގެ ޕްރޮގްރާމެއްގައި ވާހަކަދައްކަވަމުން އުމަރު ވިދާޅުވީ، ސޮނިކް ވެޕަން ފަދަ ހަތިޔާރުތައް ފުލުހުންގެ އަތުގައި ހުންނަން ޖެހޭނެ ކަމަށެވެ. އެ ހަތިޔާރު ފުލުހުންގެ އަތުގައި ކުރިން ވެސް ހުންނަކަން ފާހަގަކުރައްވައި އޭނާ ވިދާޅުވީ، މިދިޔަ ޕީޕީއެމްގެ ސަރުކާރުގައި ވެސް އަދި ފަހުން އައި އެމްޑީޕީގެ ސަރުކާރުގައި ވެސް އެ ހަތިޔާރު ބޭނުންނުކުރާ ކަމަށެވެ.