އަޅުގަނޑުމެން ބޮލުގައި ކޮރަޕްޝަން އަޅުވާފައި، ވެރިން މާލީ ބަޔާން ހާމައެއް ނުކުރޭ: ޝުޖާ
ސަން
8 އޮކްޓޯބަރު 2025 | ބުދަ | 11:14
ރައްޔިތުންގެ މަޖިލީހުގެ މެންބަރުންގެ ބޮލުގައި ކޮރަޕްޝަން އަޅުވާފައި ވެރިން އެ ބޭފުޅުންގެ މާލީ ބަޔާން ހާމަނުކުރައްވާ ކަމަށް ވިދާޅުވެ، ސަރުކާރު ހިންގާ ޕީއެންސީގެ ޕާލިމަންޓްރީ ގްރޫޕު (ޕީޖީ)ގެ ސީނިއާ ޑެޕިއުޓީ ލީޑަރު އިބްރާހިމް ޝުޖާއު (ޝުޖާ) ވަރަށް ބޮޑަށް ނުރުހުން ފާޅުކުރައްވައިފިއެވެ.
ކުންފުނިތަކުގެ ވެރިންނާއި މިނިވަން މުއައްސަސާތަކުގެ ވެރިންގެ އިތުރުން ވަޒީރުން މާލީ ބަޔާން ހުށަނޭޅުމުން ވެސް ފިޔަވަޅު އެޅޭގޮތަށް ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) ވަނީ އިސްލާހުތަކެއް ހުށަހަޅުއްވާފައެވެ.
އެއިން އިސްލާހަކަށް ބަހުސްކުރައްވަމުން ޝުޖާ ވަނީ ދައުލަތުގެ ކުންފުނިތަކާއި މިނިވަން މުއައްސަސާތަކުގެ ވެރިންގެ އިތުރުން ވަޒީރުން ވެސް މާލީ ބަޔާން ހާމަނުކުރައްވާތީ ވަރަށް ބޮޑަށް ފާޑުވިދާޅުވެފައެވެ. އަދި، މަޖިލީސް މެންބަރުންނަކީ ވަރަށް ކޮރަޕްޓް ބައެއްގެ ގޮތުގައި ވިސްނައިދީފައި އޮންނާތީ ވެސް އޭނާ ނުރުހުން ފާޅުކުރެއްވިއެވެ.